பள்ளிகளுக்கு ஒரு வாரம் விடுமுறை? வெளியாகும் அறிவிப்பு!

தமிழகத்தில் ஒரு வாரம் பள்ளிகளுக்கு விடுமுறை அளிக்க வாய்ப்புள்ளதாக தகவல்கள் வெளியாகியுள்ளன.

ஒவ்வொரு ஆண்டும் பள்ளி மாணவர்களுக்கு அரையாண்டு தேர்வு முடிந்த பின்னர் கிறிஸ்துமஸ், புத்தாண்டை முன்னிட்டு ஒரு வாரம் பள்ளிகளுக்கு விடுமுறை அளிக்கப்படும்.

கொரோனா பரவல் காரணமாக கடந்த ஆண்டு பள்ளிகள் மூடப்பட்டிருந்தது. ஜனவரி மாதம் பள்ளிகள் திறக்கப்பட்ட நிலையில் மீண்டும் கொரோனா தலை தூக்கியதால் பள்ளிகள் மூடப்பட்டன. பொதுத் தேர்வுகளும் ரத்து செய்யப்பட்டன. கடந்த செப்டம்பர் 1ஆம் தேதியிலிருந்து 9 முதல் 12ஆம் வகுப்பு மாணவர்களுக்கும், நவம்பர் 1ஆம் தேதியிலிருந்து 1 முதல் 8ஆம் வகுப்பு மாணவர்களுக்கும் நேரடி வகுப்புகள் தொடங்கப்பட்டன.

இதனால் அரையாண்டு, காலாண்டு தேர்வுகள் ரத்து செய்யப்பட்டன. அதற்கு பதிலாக 10ஆம் வகுப்பு, 12ஆம் வகுப்பு மாணவர்களுக்கு இரண்டு திருப்புதல் தேர்வுகள் நடைபெறும் என பள்ளிக் கல்வித் துறை சார்பில் அறிவிக்கப்பட்டது.

அதன்படி, 10ஆம் வகுப்பு மற்றும் 12ஆம் வகுப்பு மாணவர்களுக்கான திருப்புதல் தேர்வை வரும் 17ஆம் தேதி துவங்க உத்தரவிடப்பட்டுள்ளது. இதில் 10ஆம் வகுப்பு மாணவர்களுக்கு, 17ஆம் தேதி தமிழ், 18ஆம் தேதி ஆங்கிலம், 20ஆம் தேதி கணிதம், 21ஆம் தேதி விருப்ப பாடம், 22ஆம் தேதி அறிவியல், 23ஆம் தேதி தொழிற்கல்வி பாடம், 24ஆம் தேதி சமூக அறிவியல் தேர்வுகள் நடத்தப்பட உள்ளன.

அதபோல 12ஆம் அதே போல வகுப்பு மாணவர்களுக்கு 17ஆம் தேதி தமிழ், 18ஆம் தேதி ஆங்கிலம், 20ஆம் தேதி இயற்பியல், பொருளியல், கணினி தொழில்நுட்பம், 21ஆம் தேதி வேதியியல், கணக்கு பதிவியல், புவியியல் பாடங்களும், 22ஆம் தேதி கணிதம், விலங்கியல், வணிகவியல், வேளாண்மை ஆகிய பாடங்களும், 23ஆம் தேதி உயிரியல், தாவரவியல், வரலாறு, 24ஆம் தேதி கணினி அறிவியல், கணினி பயன்பாடுகள், அரசியல் அறிவியல் ஆகிய தேர்வுகள் நடத்தப்பட உள்ளதாக தெரிவிக்கப்பட்டுள்ளது. இதையடுத்து, 25ஆம் தேதி முதல் ஜனவரி 2ஆம் தேதி வரை கிறிஸ்துமஸ், புத்தாண்டு விடுமுறை விடப்படும் என பள்ளிக் கல்வித்துறை வட்டாரங்கள் தெரிவிக்கின்றன.