கற்றல், கற்பித்தல் செயல்பாடுகளை மேம்படுத்தும் வகையில் பள்ளிக் கல்வித்துறை முக்கிய திட்டத்தை வகுத்துள்ளது

தமிழகப் பள்ளி மாணவர்களின் கற்றல், கற்பித்தலை மேம்படுத்த திட்டம்
மண்டல வாரியாக ஆய்வுக் கூட்டம் நடத்தி ஆலோசிக்க கல்வித்துறை ஏற்பாடு
பள்ளிக் கல்வித்துறை அமைச்சர், முதன்மை செயலாளர் தலைமை வகிக்கின்றனர்

தமிழகத்தில் உள்ள அனைத்து மாவட்ட முதன்மைக்கல்வி அலுவலர்களுக்கும் பள்ளிக் கல்வித்துறை ஆணையர் நந்தகுமார் சுற்றறிக்கை ஒன்றை அனுப்பியுள்ளார். அதில், தமிழக பள்ளிக் கல்வித்துறை சார்பில் மாணவர்களின் வளர்ச்சிக்காக பல்வேறு கற்றல், கற்பித்தல் திட்டங்கள் செயல்படுத்தப்பட்டு வருகின்றன. இவை அனைத்து மாணவர்களுக்கும் முழுமையாக சென்றடைவதை உறுதி செய்ய திட்டமிடப்பட்டுள்ளது. இதற்காக மண்டல வாரியாக ஆய்வுக் கூட்டங்கள் நடத்த திட்டமிடப்பட்டுள்ளது. இதற்கு பள்ளிக் கல்வித்துறை அமைச்சர் அன்பில் மகேஷ், பள்ளிக் கல்வித்துறை முதன்மைச் செயலாளர் தலைமை வகிக்கின்றனர்.

இந்த ஆய்வு கூட்டம் 7 மண்டலங்களாக பிரிக்கப்பட்டு நடத்தப்படுகிறது. ஒவ்வொரு மண்டலத்திற்கும் இரண்டு நாட்கள் ஆய்வுக் கூட்டம் நடைபெறும். முதல் நாளில் இயக்குநர்கள் மற்றும் இணை இயக்குநர்கள் கலந்து கொள்கின்றனர். இரண்டாம் நாளில் பள்ளிக் கல்வித்துறை அமைச்சர் தலைமையில் ஆய்வுக் கூட்டம் நடக்கும். அதன்படி, வரும் 15, 16 ஆகிய தேதிகளில் தஞ்சாவூரில் நடக்கும் ஆய்வுக் கூட்டத்தில் தஞ்சாவூர், திருவாரூர், நாகை, திருச்சி,

புதுக்கோட்டை ஆகிய மாவட்டங்களை சேர்ந்த கல்வித்துறை அதிகாரிகள் கலந்து கொள்கின்றனர். வரும் 22, 23 ஆகிய தேதிகளில் விழுப்புரத்தில் நடக்கும் ஆய்வுக் கூட்டத்தில் விழுப்புரம், கடலூர், பெரம்பலூர், அரியலூர், திருவண்ணாமலை ஆகிய மாவட்டங்களின் கல்வித்துறை அதிகாரிகள் பங்கேற்கின்றனர். அடுத்த ஆண்டு ஜனவரி 5, 6 ஆகிய தேதிகளில் திருநெல்வேலியில் நடைபெறும் ஆய்வுக் கூட்டத்தில் திருநெல்வேலி, தென்காசி,

தூத்துக்குடி, கன்னியாகுமரி, விருதுநகர் ஆகிய மாவட்டங்களின் அதிகாரிகள் கலந்து கொள்கின்றனர். பின்னர் 19, 20 ஆகிய தேதிகளில் மதுரையில் நடக்கும் கூட்டத்தில் மதுரை, திண்டுக்கல், தேனி, ராமநாதபுரம், சிவகங்கை ஆகிய மாவட்டங்களுக்கும், பிப்ரவரி 9, 10 ஆகிய தேதிகளில் சேலத்தில் நடைபெறும் ஆய்வுக் கூட்டத்தில் சேலம், தர்மபுரி, கிருஷ்ணகிரி, நாமக்கல், கள்ளக்குறிச்சி ஆகிய மாவட்டங்களுக்கும்,

சாலையோரத்தில் ஒரு தேநீர்; மக்களுடன் செல்பி! முதல்வரின் மீட்பு பயணம்
16, 17 ஆகிய தேதிகளில் காஞ்சிபுரத்தில் நடக்கும் கூட்டத்தில் காஞ்சிபுரம், சென்னை, செங்கல்பட்டு, திருவள்ளூர், வேலூர், ராணிப்பேட்டை, திருப்பத்தூர் ஆகிய மாவட்டங்களுக்கும், 23, 24 ஆகிய தேதிகளில் கோயம்புத்தூரில் நடக்கும் ஆய்வுக் கூட்டத்தில் கோயம்புத்தூர், நீலகிரி, திருப்பூர், ஈரோடு, கரூர் ஆகிய மாவட்டங்களை சேர்ந்த கல்வி அதிகாரிகளும் பங்கேற்க உள்ளதாக தெரிவிக்கப்பட்டுள்ளது.