ஒரே பிரீமியம் வாழ்நாள் முழுவதும் பென்சன்!

ஒவ்வொரு மாதமும் 4000 ரூபாய்க்கு மேல் பென்சன் தரும் எல்.ஐ.சி பாலிசி உங்களுக்காக...

பென்சன் திட்டங்கள் பெரும்பாலும் 60 வயதுக்கு மேல் பயனளிப்பதாகவே இருக்கின்றன. ஆனால் உங்களது 40ஆவது வயதிலேயே நீங்கள் பென்சன் வாங்கும் அளவுக்கு பாலிசி ஒன்று உள்ளது. இந்திய ஆயுள் காப்பீட்டுக் கழகம் (எல்.ஐ.சி) சார்பாக சரல் பென்சன் யோஜனா திட்டம் செயல்படுத்தப்பட்டு வருகிறது. இத்திட்டத்தில் ஒரே பிரீமியம் செலுத்தி ஒவ்வொரு ஆண்டும் பென்சன் வாங்கலாம். இதில் ஒவ்வொரு மாதமும் பிரீமியம் செலுத்த வேண்டியதில்லை.

பென்சன் தொகையைப் பொறுத்தவரையில், வாடிக்கையாளர்களின் தேவையைப் பொறுத்து ஒவ்வொரு மாதமோ அல்லது காலாண்டு அளவிலோ, ஆறு மாதங்களுக்கு ஒரு முறையோ அல்லது ஒரு ஆண்டுக்கு ஒரு முறையோ பென்சன் வாங்கிக் கொள்ளலாம். 40 வயது முதல் 80 வயது வரை பென்சன் வந்துகொண்டே இருக்கும். பாலிசிதாரர் உயிரோடு இருக்கும் வரை அவருக்கு பென்சன் வந்துகொண்டே இருக்கும். ஒருவேளை அவர் இறந்துவிட்டால் அவரது நாமினிக்கு பென்சன் தொகை கிடைக்கும்.

இந்த பாலிசியில் ஒரே பிரீமியம் தொகையாக ரூ.10 லட்சம் செலுத்தினால் ஒவ்வொரு ஆண்டும் ரூ.50,250 பென்சன் கிடைக்கும். ஒவ்வொரு மாதமும் பென்சன் வாங்க வேண்டும் என்று நினைத்தால் ரூ.4,187 பென்சன் வாங்கலாம். செலுத்திய பணத்தை பாதியிலேயே வாங்கும் வசதியும் இதில் உள்ளது. பாலிசி வாங்கிய பிறகு பாதியிலேயே பணம் எடுக்க வேண்டுமென்றால் 5 சதவீத தொகை போக மீதிப் பணத்தை எடுத்துக்கொள்ளலாம்.