பிளஸ் 2 அசல் சான்றிதழ் இன்று முதல் வினியோகம்

பிளஸ் 1 மற்றும் பிளஸ் 2 மாணவர்களுக்கான அசல் மதிப்பெண் சான்றிதழ் இன்று வழங்கப்படுகிறது.கடந்த 2019- - 20, 2020- - 21ம் கல்வி ஆண்டுகளில், முறையே பிளஸ் 1, பிளஸ் 2 முடித்த மாணவர்களுக்கு, பொது தேர்வுக்கான, தற்காலிக மதிப்பெண் சான்றிதழ் மட்டுமே ஏற்கனவே வழங்கப்பட்டது

.இந்நிலையில், பிளஸ் 2 மாணவர்களுக்கு துணை தேர்வு நடத்தப்பட்டு, அதன் முடிவுகளும் வெளியிடப்பட்டதால், அசல் மதிப்பெண் சான்றிதழ்கள் இன்று வழங்கப்படும்.மாணவ - மாணவியர் தங்கள் பள்ளிகளிலேயே சான்றிதழ்களை பெற்றுக் கொள்ளலாம்.மாணவர்களும், பெற்றோரும் முக கவசம் அணிந்தும், சமூக இடைவெளியை பின்பற்றியும் பள்ளிகளுக்கு சென்று சான்றிதழை பெற்று கொள்ள வேண்டும் என, அரசு தேர்வு துறை கேட்டு கொண்டுள்ளது.