மிஸ்டு கால்' கொடுத்தால் காஸ் சிலிண்டர் இணைப்பு

இந்தியன் ஆயில் நிறுவனம், 84549 55555 என்ற எண்ணிற்கு, 'மிஸ்டு கால்' கொடுப்பதன் வாயிலாக, சமையல் காஸ் சிலிண்டர் இணைப்பு பெறும் வசதியை துவக்கியுள்ளது.

பொதுத்துறையைச் சேர்ந்த இந்தியன் ஆயில் நிறுவனம், வீடுகளுக்கு புதிதாக சமையல் காஸ் சிலிண்டர் இணைப்பு வழங்குவதற்காக, பல வசதிகளை அறிமுகம் செய்து வருகிறது. 

அதன்படி, 84549 55555 என்ற எண்ணிற்கு, 'மிஸ்டு கால்' கொடுப்பதன் வாயிலாக, சிலிண்டர் இணைப்பு பெறும் வசதி, நாட்டில் உள்ள முக்கிய நகரங்களில், சமீபத்தில் துவக்கப்பட்டது.தற்போது, அந்த சேவை தமிழகம் உட்பட, நாடு முழுதும் விரிவுபடுத்தப்பட்டு உள்ளதாக, இந்தியன் ஆயில் நிறுவனத்தின் சென்னை தலைமை பொது மேலாளர் சிதம்பரம் தெரிவித்துள்ளார்.