கல்லூரிகள் திறப்பு: ஆகஸ்ட் 9 முதல் பேராசிரியர்கள் கல்லூரிகளுக்கு வர உத்தரவு

தமிழகத்தில் கல்லூரிகளை திறப்பதை குறித்து உயர்கல்வித்துறை முக்கிய உத்தரவு

தமிழகத்தில் பொறியியல் மற்றும் கலை, அறிவியல் கல்லூரிகளில் முதலாமாண்டு மாணவர் சேர்க்கை ஆகஸ்ட் 1 முதல் நடந்து வருகிறது. தற்போது வரை கொரோனா பரவல் காரணமாக கல்வி நிறுவனங்களில் நேரடி வகுப்புகள் தொடங்கப்படாததால் முதலாமாண்டு மாணவர்களுக்கு ஆகஸ்ட் 9ம் தேதி முதல் ஆன்லைன் வகுப்புகள் தொடங்கும் என உயர்கல்வித்துறை அமைச்சர் பொன்முடி தெரிவித்தார்.

ஈசியான கேள்விகளுக்கு பதில் சொல்லி மிகப்பெரிய பரிசுகளை வெல்லலாம் அப்போது அவர், ஆகஸ்ட் 1 முதல் கல்லூரி மாணவர் சேர்க்கை தொடங்கும். அனைத்து பல்கலைக் கழகங்களும் ஒரே மாதிரியான முறையை கடைபிடிக்க வேண்டும். ஒட்டுமொத்த பல்கலைக்கழகங்களும் பரீட்சை தேதிகளை அறிவித்து அந்த தேதியில் இருந்து செய்யவேண்டிய பணிகளில் முழுமையாக ஈடுபட வேண்டும். பேராசிரியர்கள் நியமனத்தில் வெளிப்படைத் தன்மையை பின்பற்ற வேண்டும்.

அனைத்து பல்கலைக் கழகங்களிலும் எம்.பில் படிப்பை தொடர்ந்து நடத்த வேண்டும். பல்கலைக் கழகங்களில் வெளிப்படைத் தன்மை அவசியம். அண்ணா பல்கலைக்கழக கலந்தாய்வு ஒற்றை சாளர முறையில் நடத்தப்படும் என்று கூறினார்.

இந்நிலையில், வரும் ஆகஸ்ட் 9 முதல் முதலாமாண்டு மாணவர்களுக்கும் மற்ற மாணவர்களுக்கும் ஆன்லைன் வகுப்புகள் தொடங்கப்படவுள்ள நிலையில் அனைத்து பேராசிரியர்கள், பணியாளர்கள் 9ம் தேதி முதல் கல்லூரிகளுக்கு நேரில் வருகை தர உயர்கல்வித்துறை உத்தரவிட்டுள்ளது.

source https://tamil.samayam.com/