பிளஸ் 1 சோ்க்கைக்கு நுழைவுத்தோ்வு நடத்தப்படுமா? -பள்ளிக் கல்வித்துறை விளக்கம்

தமிழகத்தில் நுழைவுத்தேர்வு மூலம் 11-ம் வகுப்பு மாணவர் சேர்க்கை நடத்த கல்வித் துறை திட்டம் 10-ம் வகுப்பு பொதுத்தேர்வு ரத்து செய்யப்பட்ட நிலையில் மாணவர் சேர்க்கைக்கு புதிய ஏற்பாடு.

தமிழகத்தில் நுழைவுத்தேர்வு மூலம் 11-ம் வகுப்பு மாணவர் சேர்க்கை - கல்வித் துறை திட்டம்

10ம் வகுப்பு பொதுத்தேர்வு ரத்து செய்யப்பட்ட நிலையில் மாணவர் சேர்க்கைக்கு புதிய ஏற்பாடு

கொரோனா பதட்டம் காரணமாக தமிழகத்தில் தள்ளி வைக்கப்பட்ட 10ஆம் வகுப்பு பொதுத்தேர்வு ஜுன் 1ஆம் தேதி முதல் 10ஆம் தேதி வரை நடக்கும் என பள்ளிக்கல்வித்துறை அறிவித்திருந்தது. ஆனால், கொரோனா வைரஸ் தொற்றை கருத்தில் கொண்டு 10ம் வகுப்பு பொதுத் தேர்வை தள்ளிவைக்க வலியுறுத்தியும் அல்லது தகுந்த முன்னேற்பாடுகளைச் செய்த பின்பு பொதுதேர்வை நடத்தவும் கோரிக்கைகள் எழுந்தன.

இப்படி பல்வேறு தரப்பினரிடமிருந்து வந்த எதிர்ப்புகளால் தேர்வை 15 தினங்களுக்கு தள்ளிவைத்தது அரசு. அதன்படி, ஜூன் 15ம் தேதியிலிருந்து 25ம் தேதி வரை தேர்வை நடத்த பள்ளிக்கல்வித்துறை ஆயத்தப்பணிகளில் ஈடுபட்டு வந்தது.

பின்னர் தொடர் ஆலோசனைகளின் அடிப்படையிலும், ஆசிரியர், பெற்றோர் கருத்துக்களை கேட்டரிந்த நிலையிலும் பத்தாம் வகுப்பு பொதுத்தேர்வை ரத்து செய்தது அரசு. மேலும், 10ம் வகுப்பு தேர்வு ரத்து செய்யப்பட்டதால் மாணவர்களுக்கு காலாண்டு, அரையாண்டு தேர்வுகளில் பெற்ற மதிப்பெண்களின் அடிப்படையில் 80 % மதிப்பெண்களும், வருகை பதிவு அடிப்படையில் 20 சதவீத மதிப்பெண்களையும் வழங்க பள்ளிக்கல்வித்துறை தெரிவித்தது.

இந்நிலையில், பத்தாம் வகுப்பு பொதுத்தேர்வு ரத்து செய்யப்பட்டதால் தேர்வின்றி தேர்ச்சி பெற்ற மாணவர்களை நுழைவுத்தேர்வு மூலம் 11-ம் வகுப்பு சேர்க்கையை நடத்த பல்லகல்வித்துறை முடிவு செய்துள்ளது. 10-ம் வகுப்பு பொதுத்தேர்வு ரத்து செய்யப்பட்ட நிலையில் மாணவர் சேர்க்கைக்கு இந்த புதிய ஏற்பாடு மேற்கொள்ளப்படுகிறது